LOVER..A مشرف عام
عدد المساهمات : 274 تاريخ التسجيل : 24/07/2009
| موضوع: ¬يَ قُوْ قَلْبِڪْ ڪَيِفْ تَققْطَعْنِيْ اسسْبُوْعْ » [ مِ ,’ـححَمَّدْ بِنْ جَآرْ الله الخميس يناير 13, 2011 9:43 pm | |
| أسبوع مر..ولا وصل منك مرسال
يَ قو قلبك كيف تقاطعني أسبوع؟
الجوع كافر..وانت ماترحم الحال وانا عليك من الوله ميت جوع
يَ اللي غيابك صعب يطري على البال
تركتني ضايق وحاير ومفجوع
ماكني الا: شايب فاقد عيال
وماكنك الا:محرم حق مشروع!!
يفوع لك قلبي ليا مر الأطلال
يَ ليت مالي قلب يشتاق ويفوع
حسبي عليك شلون قطعت الأمال
بَ ـموت لَ صار الأمل فيك مقطوع
يَ صاحبي مَ كل نزال رحال
انت الحيا من وين مارحت متبوع!!
نسياني لِ زول بِ ـالاعماق يختال
اصعب على صاحبك من حبة الكوع
لو الثمن في شوفتك عمر رجال
كان الثمن من يوم مَ غبت مدفوع!!
ولو القدر ماتم قوله ليا قال
مَ ضاق صدر ولَ انحنى راس مرفوع
يَ صاحبي عشقتني فعل وخصال
وانا عشقتك شعر واحساس وطبوع
وشلون تتركني كذا لَ اشهب الــلال
وقدام عيني تجف ينبوع 00ينبوع!!
وانا عشانك جيت والغيم همال
اسيل الوديان واداحم جموع
مَ ردني عنك سواليف عذال
تزعل علي ربوع وتقدر ربوع!!
كان المهم اعيشك جنون ووصال
ويكون لي كلمه ولي راي مسموع
واليوم ضاقت بي من الجال للجال
فرقاك تقصم ظهر وتحز وتلوع
لوجيت شفت الحال ماسرك الحال
في غيبتك ضايق وحاير ومفجوع!!
هذا غياب اسبوع وشلون لو طال
طالبك00لايطول غيابك عن اسبوع!!
| |
|