[color=darkred]قصيده حزينه[/color]

ياللي دفنتـوا جثتـها.. ليـه تبكـون؟
لولا الحيا..لأقـول : معكـم خذونـي

منها انحرمت وكنت انا عنها مسجـون
ما أذكر لمحتها .. غير مـره بعيونـي

شفتها ..وكانت فرحتـي مالهـا لـون
عجزت لأوصف .. من لمحته شجوني

ياليتني ..كنت الكفـن يـوم تمشـون
أبقـى معـها بالقبـر ثـم تدفنـونـي

أو ليتنــي .. من خلفكم كنت (مجنـون)
أتبع خطاكم والعـذر هـو : جنونـي

أبكي وراكم .. وأدعي ان كان تدعون
مايكفي انها عـاشه عمـرها بدونـي ؟؟

تكفـــــون هاكم عمري اليـوم تكفـون
برخـص حياتـي دام خابـت ظنونـي

مافادني صبري !! ولا فادنـي عـون
ولا فادني دمع(ن) .. حرق لي جفوني

ياما بكيتـها والبكـي يحـرق عيـون
ميته أو إنها حيه .. دمعـي بعيونـي !!

العام / كان بفرحتـها.. يعـزف لحـون
واليوم / تحت الأرض .. ماهو بكوني

لكــن أنا في فرحتـها.. كنـت مدفـون
فوق الثرى .. واليوم موتها سجونـي

( سميت قلبي عقـب فرقـاها ملعـون )هو و الليالي .. عن هنـاااااه امنعونـي

ياليتني.. ماعشـت لحظـه بهالكـون
وياليت ربعي .. في سكات اذبحونـي

وياليتكم .. عن همّي اليـوم تـدرون
منها انحرمت / ومن عزاها .. احرموني

حتى بوفاتها .. يوم أنا طحت مطعـون
أخفيت طعناتي .. قبـل لا يفضحونـي

بكيــــــت !! لكن .. ماتظاهـرت بالهـون
أبكي وأقول : الموت سبــــــــة طعونـي

وإن كان في حبّي أنـا .. مـــــااا تحسّـون
دلوني لقبـره .. وهنـاك ....... اتــــركوونــي

صح لسانك
يعطيك العافيه
تحياتي