[size=24]عى طاري الوداع..........[/size]

على طاري الوداع وغربة الأرواح والترحال
وعلى طاري الدموع اللي تخلت عن مواقيها

حبيبي والهوى ينبت على قلبي حلم وآمــــال
وشراييني تضخ الدم من أشواقي وترويهـــــا

أنا أسمع دايم الأمثال تقول الحب يهد الحـال
وأنا أقول الهوى جنه مادام الوصل يحييهـــــا

دخيل أنفاسك وخدك ورمش عيونك القتــال
ودخيل شفاهك اللي بسمتك دايم تحليــهــــــا

أبيك بصدق توعدني قصر معك الزمان اوطال
حياتي يابعد عمــــــــــري دخيـــلك ماتخـــــليها

وأبيك تكون لي جنه إذا طاح البخت أو مــــال
وأبي عينك تراعيني من الدنـــــيا وبلاويـــــها

وأبي حبك يغطيني من أسفل كاحـــلي للشـــال
وأبي صوتك يذوبني مثل شمعه أنتيها ظيهـــــا

وأنا بأعطيك عهد الله وأمان الواحد المتعــــال
مادامني على الدنيا عيـــــونك ماأبكيــــــهـــــا

وعلي أفرش لك أهدابي وأحط رمشي غطا وظلال
وأظمك داخل وأذوب لـــك محــــانيـــــــهـــــا

وعلي أرسم بك أحلامي وأخلي الروح بك تختال
وأسميك بحشا روحي حبيبي وإنت غليهـــــا

بعد عمري بعد روحي بعد أعمامي والأخـــوال
وبعد كل الشعوب اللي تبوت في أراضيــــهـــا

أحبــــك أيه أنا أحبـــك وحبــك بالحشـــا لازال
وأحس إنه بعد يزداد بكل لحظه وثوانيــــهــــــا

أحبك عد لمعـــــات البروق وغيثها الهمـــــا ل
وأحبك عد مخلوق وطا الأرض ومشى فيهــــا

أحبك كثر مافي الكون من بحور وشجر وجبال
أحبك كثر ماترسي المراكب في موانيـــــــهــــا

أحبك كثر أنفاسك وعدد مافي الصحاري رمال
أحبك كلمه بشفاهي ولاأدري كيف احكيــــهــــا

وربي لامحبة قيس ولاحتى هوى الأمثـــــــال
يجي ربع المحبه اللي بقلبي لـــك مخبيـــــهــــــا

تخيل من كثر ماأهواك وكثر ماأعشقك بخبــال
أحس اني ملكت الأرض من اقصاها لدانيـــهـــــا

[size=24]متشكرين علا المرور اخواني

دمتم سالمين[/ .gif